गोवा हे पर्यटनासाठी प्रसिद्ध असणारे देशभरातील महत्वाचे राज्य आहे. काही वर्षांपूर्वी आलेल्या कोरोना महामारीचा फटका काही प्रमाणात राज्याच्या पर्यटन व्यवसायाला बसला. मात्र कोविडनंतर पर्यटन व्यवसाय सुधारत असून वाढत्या परतनासोबतच इथल्या गुन्हेगारी घटनांमध्ये देखील वाढ होत आहे.
दक्षिण गोव्यात गेल्या 10 महिन्यांत 27 लैंगिक अत्याचाराची प्रकरणे उघड झाली असून 21 खून, 6 खुनाचा प्रयत्न करण्याचे प्रकार घडल्याच्या नोंदी पोलीस दफ्तरी झाल्या आहेत.
फेरीबोटवरील शुल्कावरून सध्या राज्यातील वातावरण चांगलेच तापले आहे. याबाबत सरकारवर सर्व स्तरातून टीका केली जात असून शुल्क हटवण्यात यावे, अशी मागणी करण्यात येत आहे. यातच कुंभारजुवे कॉंग्रेस गट समितीच्या पदाधिकाऱ्यांनी सरकारच्या निर्णयाचा तीव्र निषेध केला.
गुंतवणूक प्रोत्साहन मंडळ (आयपीबी) 180 कोटींच्या 7 प्रकल्पांना मंजूरी दिली आहे. हा गोव्यातील जमीन भांडवलदारांना देण्यासाठी भाजप सरकारने सुरू केलेला घोटाळा आहे. आयपीबी प्रकल्प भाजपसाठी एटीएम मशीन बनले आहे.
मुख्यमंत्री डॉ. प्रमोद सावंत यांनी आजपर्यंत आयपीबीने मंजूर केलेल्या सर्व प्रकल्पांची सखोल माहिती व आकडेवारी जाहीर करण्याचे धाडस दाखवावे, असे आव्हान विरोधी पक्षनेते युरी आलेमाव यांनी केले.
तेलंगणात होणाऱ्या विधानसभा निवडणुकीत 105 वारंगळ पश्चिम विधानसभा मतदारसंघातील उमेदवार श्रीमती राव पद्मा यांच्या प्रचारासाठी भाजपचे आमदार संकल्प आमोणकरांची नागरिकांना साद. विजयाचा विश्वास असल्याचे आमोणकरांचे मत. बैठकांमधून मतदानाचे आवाहन.
कोलवाळ येथील गृहनिर्माण वसाहतीमध्ये रस्त्याच्या बाजूला 30 वर्षीय महिला बेशुद्धावस्थेत सापडलेली. ही घटना काल म्हणजेच शनिवारी दि. 4 रोजी सकाळी 8.30 च्या सुमारास उघड झाली. सदर महिलेचा अनैतिक धंद्यात समावेश असल्याचे बोलले जातेय. पोलिसांनी सदर महिलेची रवानगी सुधारगृहात केली आहे.
तिलारी प्रकल्पाच्या कालव्याच्या दुरुस्तीचे काम सुरू करणार असल्याची माहिती काही दिवसांपूर्वी देण्यात आली होती. मात्र सध्या गोव्यात सुरू असलेल्या राष्ट्रीय स्पर्धांमुळे हे दुरुस्तीचे काम काही आठवडे पुढे ढकलण्यात आले. मात्र आता ते काम सुरू करण्यात आले असल्याची माहिती जलस्रोत मंत्री सुभाष शिरोडकर यांनी दिली.
गोवा म्हटलं कि काजू फेणी प्रामुख्याने ओळखली जाते. पर्यटनाच्या यादृष्टीने देखील काजू फेणीची मोठ्या प्रमाणवर विक्री होते. सरकारने गोव्याच्या या काजू फेणीला GI मानांकन मिळवून दिले आहे. त्याच प्रमाणे आता माडापासून बनवल्या जाणाऱ्या फेणीचे जीआर टॅगिंग करावे, अशी मागणी अखिल गोवा रैंदेर संघटनेने केली आहे.
गोव्यातील आजचे पेट्रोलचे दर खालीलप्रमाणे:
North Goa ₹ 97.54
Panjim ₹ 97.54
South Goa ₹ 97.11
गोव्यातील आजचे डिझेलचे दर खालीलप्रमाणे:
North Goa ₹ 90.10
Panjim ₹ 90.10
South Goa ₹ 89.68
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.