आंतर महाविद्यालयीन पुरुष सायकलिंग स्पर्धेत नावेलीच्या रोझरी महाविद्यालयाने सांघिक विजेतेपद प्राप्त केले. गोवा विद्यापीठाच्या मान्यतेने रोझरी महाविद्यालयातर्फे स्पर्धा घेण्यात आली.
सांघिक गटात केपे सरकारी महाविद्यालयास उपविजेतेपद, तर कुठ्ठाळीच्या सेंट जोसेफ वाझ महाविद्यालयास तिसरा क्रमांक मिळाला. 35 किलोमीटर अंतराच्या या स्पर्धेत विविध महाविद्यालयांतील 60 स्पर्धक सहभागी झाले होते.
ग्वाल्हेर येथे झालेल्या पश्चिम विभागीय आंतरविद्यापीठ महिला फुटबॉल स्पर्धेत गोवा विद्यापीठाला उपविजेतेपद मिळाले, तर अखिल भारतीय आंतरविद्यापीठ स्पर्धेच्या पात्रता प्ले-ऑफ लढतीत कोल्हापूरच्या शिवाजी विद्यापीठावर चुरशीच्या लढतीत पेनल्टी शूटआऊटवर (3-2) मात केली.
मिरामार येथे कचऱ्यात आढळून आलेल्या नवजात अर्भकाच्या मातेचा पणजी पोलिसांनी शोध लावला आहे. तिला पोलिसांनी ताब्यात घेतले आहे. पोलिस या प्रकरणी अधिक तपास करत आहेत.
वागातोर येथे उद्यापासून सुरु होणाऱ्या सनबर्न ईडीएम महोत्सवावेळी ड्रग्स तपासणीसाठी श्वान पथकासह स्थापन केलेले विशेष पथक
एससी, एसटी आणि ओबीसी कामगारांसह मनरेगाअंतर्गत दररोज 322 रुपये कमावणारे जवळपास 8 हजार कामगार गेल्या अनेक महिन्यांपासून त्यांच्या हक्काच्या मजुरीच्या प्रतीक्षेत आहेत.
मी ऑक्टोबरमध्ये हा मुद्दा उपस्थित करून मुख्यमंत्री डॉ. प्रमोद सावंत यांच्या हस्तक्षेपाची मागणी केली होती. दुर्दैवाने आजपर्यंत सरकारने कोणतेही पाऊल उचललेले नाही.
इव्हेंटवर उधळपट्टी थांबवा आणि गरीब व कष्टकरी कामगारांची वेळेवर मजुरी द्या, असा टोला विरोधी पक्षनेते युरी आलेमाव यांनी हाणला आहे.
कला अकादमीच्‍या ‘अ’ गट राज्‍यनाट्य स्पर्धेत मांगिरीश यूथ क्‍लब, मंगेशी फोंडा यांचे ‘फादर’ नाटक ठरले अव्‍वल. नागेश महालक्ष्‍मी प्रासादिक नाट्यसमाज, बांदिवडे यांचे ‘यत् न कथ्‍यते’ द्वितीय, तर रसरंग उगवे संस्थेच्या ‘रुदन’ नाटकाला तृतीय क्रमांक प्राप्त.
गोवा इन्क्विजिशनबाबत आक्षेपार्ह पोस्ट करुन धार्मिक भावना दुखावल्याप्रकरणी अज्ञाताविरोधात गुन्हा दाखल करण्यात आला आहे. सोशल मिडिया प्लॅटफॉर्म एक्स (ट्विटर) वर अज्ञाताने इन्क्विजिशनबाबत पोस्ट केली असून, सायबर पोलिसांनी गुन्हा दाखल केला आहे.
शिरगाव येथील श्री लईराई देवीचे मंदिर खाण परिक्षेत्रात येत असल्यास, ते बाहेर काढणे सरकारची जबाबदारी. याबाबत आश्वासन देत यामुळे खाणी सुरू करण्यास विरोध करू नये, असे आवाहन मुख्यमंत्री डॉ. प्रमोद सावंत यांनी केले.
किर्लपाल दाभाळ पंचायत मध्ये अनेक वर्षापासून बोगस घरपट्टी पावती देत आहे. पंचायत कर्मचारी यांची चौकशी करावी, अशी मागणी गोवा कॉंग्रेस सावर्डेचे पदाधिकारी जयेश पाटील यांनी केली आहे
गोवेकर परदेशात काबाडकष्ट करून पैसे कमवत आहेत आणि आरजीचे मनोज परब याच लोकांकडून पक्ष चालविण्यासाठी भिक मागत आहेत. या लोकांनी मनोज परबला भिक देणे बंद करावे. मनोज गोव्यात कलेक्शन एजंट म्हणून वावरत आहे. त्यांच्याकडे मते नाहीत, ते भाजप आणि काँग्रेसची मते फोडणार आहेत. हे लोकांनी लक्षात घ्यावे, माजी पर्यटन मंत्री मिकी पाशेकोंची टीका.
मंत्री आलेक्स सिक्वेरा यांचा 1957 साली केनियात जन्म झाला. 27 मार्च 2001 रोजी त्यांनी पोर्तुगालमध्ये जन्म झाल्याचे नोंदवले आहे. जन्म, पासपोर्ट नोंदीमुळे भारतीय नागरिकत्व गमावलेल्या इतर गोमंतकियांप्रमाणेच सिक्वेरांचा देखील भारतीय पासपोर्ट रद्द करावा. मी पासपोर्ट अधिकार्‍यांना पत्र लिहिले असून, सिक्वेरांचे नागरिकत्व रद्द केले नाही तर 15 दिवसांत पुढील निर्णय घेणार. माजी पर्यटन मंत्री मिकी पाशेको यांचा इशारा.
14 नोव्हेंबर रोजी साजरा केला जाणारा बालदिन आणि देशाचे पहिले पंतप्रधान पंडित जवाहरलाल नेहरू यांच्यात कसलाच संबंध नाही, तो फक्त बालदिन आहे', असे वक्तव्य मुख्यमंत्री प्रमोद सावंत यांनी केले. त्यांच्या या व्यक्तव्यानंतर नव्या वादाला तोंड फुटण्याची शक्यता आहे.
तिळारी धरणाचा कालव्यात उघडणारा दरवाजा उघडण्यात पुण्यातील तंत्रज्ञांना सकाळी पावणेसहा वाजता यश आले. पर्वरी व साळगावची पाणीटंचाई दूर होणार. दरवाजा उघडण्याचे प्रयत्न गेले तीन दिवस सुरू होते.
ख्रिसमस विकेंडमध्ये राज्यात मजामस्ती करण्यासाठी आलेल्या तिघाजणांना ‘दृष्टी’ संस्थेच्या जीवरक्षकांनी समुद्रात बुडण्यापासून वाचवले. उपलब्ध माहितीनुसार मिरामार किनाऱ्यावर पाण्यात खोलवर गेलेली हैदराबाद येथील महिला पाण्यात बुडते आहे, हे लक्षात येताच जीवरक्षकाने तिच्या पतीच्या मदतीने महिलेला सुरक्षित ठिकाणी परत आणले. तसेच सिकेरी किनाऱ्यावर नाशिकचे चार पर्यटक पाण्यात उतरले असता, त्यातील दोघेजण पाण्यात बुडू लागले होते. मात्र, तेथील जीवरक्षक शुभम याने दोघांना किनाऱ्यावर आणले.
North Goa ₹ 97.37
Panjim ₹ 97.37
South Goa ₹ 97.11
गोव्यातील आजचे डिझेलचे दर खालीलप्रमाणे:
North Goa ₹ 89.93
Panjim ₹ 89.93
South Goa ₹ 89.68
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.