Goa News: फोंडा येथे दिवसाढवळ्या गव्याचा धुमाकूळ; वाचा गोव्यातील ठळक घडामोडी

फोंडा येथे दिवसाढवळ्या गव्याचा धुमाकूळ, या घटनेमुळे सध्या सगळीकडेच चिंता पसरली आहे.

मोरजी येथील श्री कुळकार सातेरी देवीचा वार्षिक वर्धापन दिन सोहळा मोठ्या उत्साहात साजरा सुहासिनी महिलांचा जोडाव्या जलण्याचा कार्यक्रम पावणी साजरी केली.

अल्वारा जमीन बेकायदेशीर विक्रीतील अनियमिततेवर चर्चा करण्यासाठी सोमवारी उत्तर गोव्याच्या जिल्हाधिकारी स्नेहा गित्ते IAS यांच्या अध्यक्षतेखाली विशेष बैठक बोलावण्यात आली होती. याबाबत माध्यमांनी गित्ते यांना विचारण्याचा प्रयत्न केला असता, त्यांनी माहिती देण्यास नकार दिला आणि थेट केबिनमध्ये गेल्या. नंतर गित्ते यांनी बाहेर वाट पाहणाऱ्या पत्रकारांना संदेश पाठवला की, त्यांच्याकडे माहिती देण्यासाठी वेळ नाही.

माळोली, नानोडा, बांबर सत्तरी येथील म्हादई अभयारण्य क्षेत्रात काम करणाऱ्या ट्रेकर्स गेल्या ३ महिन्यांपासून पगाराशिवाय आहे, माळोली येथे म्हादई अभयारण्य रुजू झाल्यापासून अनेकजण या ठिकाणी रोजगारांच्या पगारावर काम करत आहेत. अनेकांना १३ ते १४ वर्ष पूर्ण झालेली आहे.

वीज विभागाने सर्व केबल ऑपरेटर आणि इतर घटकांना वीज खांबावरील अनधिकृत केबल्स आणि पायाभूत सुविधा 10 दिवसांच्या आत हटवण्याच्या सूचना दिल्या आहेत. त्याचे पालन करण्यात अयशस्वी झाल्यास विभाग त्यांना काढून टाकण्यास सुरुवात करेल, असे कार्यकारी अभियंता काशिनाथ शेट्ये यांनी सांगितले.

मये पंचायत क्षेत्रात बेकायदेशीरपणे डोंगर कापणी. तक्रार करूनही सरकारी यंत्रणांचे कानावर हात. स्थानिकांचा आरोप.

अल्वारा जमीन कारवाईविषयी आज निर्णय होणार आहे. या बैठकीत उपजिल्हाधिकारी कारवाईचा अहवाल सादर करणार आहेत.

न्हावेली गावातील मायणा येथील सध्या ३ लाख चंरस मीटर शेतजमिनी शेतकऱ्यांना लागवडीखाली घेतली आहे. या शेतात भात व हळसांदे अशी दोन पिके काढली जातात.

मोरजी समुद्रकिनाऱ्यावर डिसेंबर २५ ते फेब्रुवारी २ पर्यंतच्या कालावधीत एकूण ६१ सागरी कासवानी ६००० पेक्षा जास्त अंडी घातलेली आहेत.