भाजपा वास्को मंडळाची हुतात्मा चौक ते टीबी कुन्हा चौक मशाल यात्रा

वास्को Vasco : गोवा मुक्ती दिनाच्या 60 व्या वर्धापन दिनाच्या पूर्वसंध्येला भाजपा वास्को मंडळाने श्री दीपक नाईक (अध्यक्ष-भाजप वास्को मंडळ) यांच्या नेतृत्वाखाली हुतात्मा चौक ते टीबी कुन्हा चौक वास्को अशी मशाल यात्रा काढली. यावेळी भाजपचे कृष्णा साळकर, नगरसेविका शमी साळकर, गिरीश बोरकर (सरचिटणीस , भाजपा वास्को मंडळ), श्री जयंत जाधव (राज्य कार्यकारिणी सदस्य भाजपा, गोवा प्रदेश) श्री अमेय चोपडेकर (भारतीय जनता पार्टी युवा मोर्चा अध्यक्ष वास्को), माजी सैनिक, नगरसेवक, भाजपा महिला आणि युवा मोर्चा कार्यकर्ते मोठ्या संख्येने उपस्थित होते.

मशाल यात्रेला हिरालाल अँड कंपनीकडून (Company) सुरुवात झाली. मग स्वतंत्र पथ मार्गे, जोशी चौक, आय ओसी, एफ एल गोम्स मार्गे टीबी कुन्हा चौक येथे सांगता झाली. यावेळी दिपफ नाईक, कृष्णा साळकर, जयंत जाधव यांनी गोवा मुक्ती (goa liberation) दिनाविषयी महत्वपूर्ण अशी माहिती देऊन स्वातंत्र्य सैनिकांच्या बलिदानाची माहिती उपस्थितांना दिली.