Leopard Attack Curti, Goa: म्हाळसे-कुर्टीत शेळीवर बिबट्याचा दिवसाढवळ्या हल्ला; ग्रामस्थांमध्ये दहशत

Leopard Attack Curti, Goa: बिबट्याने दिवसाढवळ्या शेळीवर हल्ला केल्याची घटना म्हाळसे, कुर्टी-फोंडा येथे घडली आहे. बिबट्याच्या हल्ल्यात शेळी गंभीर जखमी झाली असल्याची माहिती मिळाली आहे.

घटनेनंतर वनविभागाचे कर्मचारी घटनास्थळी दाखल होत त्यांनी पिंजरा लावला असून दिवसा-ढवळ्या झालेल्या या प्रकाराने परिसरात भीतीचे वातावरण पसरले आहे.

या अगोदर या भागात बिबट्याचा संचार असल्याचा घटना घडल्या होत्या मात्र दिवसाढवळ्या पाळीव प्राण्यांवर हल्ला करण्याची ही पहिलीच घटना असल्याने ग्रामस्थ भीतीच्या छायेखाली वावरत आहेत.

काही दिवसांपूर्वी चंदेल हसपूर भागात बिबट्याने अशाच प्रकारे हल्ला केला होता. बिबट्याने गेले अनेक दिवस या भागात धुमाकूळ घालत गोठ्यातील गुरांना आपले लक्ष्य केले होते.

कुंभारवाडा येथील भरत भाईप यांच्या गुरांच्या गोठ्यात जाऊन गाईच्या वासराला हल्ला केला.

सुदैवाने त्याच दरम्यान घरातील मंडळी जाग आली आणि ते उठल्यानंतर आरडाओरड केल्यानंतर सदर बिबट्या पळून गेला. मात्र वारंवार अशा घटना घडू लागल्याने रानटी प्राण्यांचा जंगल अधिवास संपत आल्याचे यातून स्पष्ट होतंय.