गोवा विधानसभेचे कामकाज तहकूब!

विधानसभेच्या (Goa Assembly) दोन दिवसीय अधिवेशनात पहिल्याच दिवशी प्रश्नांची उत्तरे मिळत नसल्याच्या कारणाने विरोधकांनी आक्रमक पवित्रा घेत झाल्याने सभापती राजेश पाटणेकर (Rajesh Patnekar) यांना 12.30 वाजेपर्यंत विधानसभा तहकूब करावी लागली. कोविड संदर्भातच्या प्रश्नांवरील उत्तरे न दिल्याने विरोधकांनी सभापतींच्या हौदात जाऊन त्याचा निषेध केला. वारंवार उत्तरे पुढे ढकलण्यात येत असल्याने विरोधकांनी विरोध करून कामकाज रोखल्याने सभापतींनी सभागृहाचे कामकाज 12.30 पर्यंत तहकूब केले.