वास्को: विद्यानगर कॉलनी, झुआरीनगर- सांकवाळ येथे स्टेट बँक ऑफ इंडिया बँकेजवळील अंतर्गत रस्त्यावर शनिवारी रात्री अन्वर शेख (56) या व्यक्तीचा संशयास्पद मृतदेह आढळून आला. स्थानिकांनी त्याला रक्ताच्या थारोळ्यात पाहिले आणि पोलिसांना (Police) खबर दिली. वेर्णा पोलिसांना खुनाचा संशय असून वेर्णा पोलिसांनी या खून प्रकरणी गुन्हा नोंदवून त्याच्या हत्येमागे असलेल्यांचा शोध सुरू केला आहे. सांकवाळ, झुआरीनगर येथे राहणाऱ्या अन्वर शेख (वय 56 ) हे मध्यरात्री जखमी अवस्थेत रक्ताच्या थारोळ्यात अंतर्गत रस्त्यावर पडलेला एका व्यक्तीला दृष्टीपथास पडला. त्यांने त्वरित याविषयी वेर्णा पोलिसांना कळविले असता वेर्णा पोलीस घटनास्थळी दाखल झाले.
स्थानिक (Local people) रहिवाशांच्या मदतीने त्याला उपचारासाठी चिखली उपजिल्हा इस्पितळात नेले असता त्यांचा मृत्यू झाल्याचे घोषित करण्यात आले. झुआरीनगरातील अन्वर यांच्या कपाळावर अज्ञाताने तीक्ष्ण हत्याराने हल्ला केल्याचे आणि कपाळाच्या उजव्या आणि डाव्या बाजूस तिक्ष्ण जखमा झाल्याचे पोलिसांना तपासणी वेळी आढळले. वेणां पोलिसांनी या खून प्रकरणी गुन्हा नोंदवून त्याच्या हत्येमागे असलेल्यांचा शोध सुरू केला आहे. वेर्णा पोलिसांनी दिलेल्या माहितीनुसार, अन्वर शेख हे पूर्वी एमपीटीमध्ये (मुरगाव बंदरा मेकॅनिकल विभागात कामाला होते. 2012 मध्ये त्यांनी स्वेच्छानिवृत्ती घेतली होती. अन्वर हे इस्लाम्पुर, बायणा येथील रहिवासी होते. चांगले गायक अशीही त्यांची ओखळ आहे. सध्या हुआरीनगरात ते राहत होते. ज्या ठिकाणी ते जखमी अवस्थेत सापडले. त्याच्या जवळपास एका फ्लॅटमध्ये ते भाड्याने रहायचे.वेर्णा पोलीस पुढील तपास करीत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
