Mahadayi Water Dispute : म्हादई नदीच्या पाण्यावरून गोवा- कर्नाटक राज्यात वाद सुरु आहे. यात कर्नाटकचे मुख्यमंत्री सिद्धरामय्या यांनी केंद्राच्या निष्क्रियतेमुळे म्हादई प्रकल्प रखडल्याचे ट्विट केले आहे. केंद्राचे कर्नाटकवर प्रेम नाही का?
हुबळी धारवाड आणि परिसरातील 50 लाख रहिवाशांसाठी म्हादई प्रकल्प आवश्यक असून पंतप्रधान आमची तहान कधी भागवणार? असा सवाल त्यांनी ट्विटरच्या माध्यमातून विचारला होता.
भाजपचे खासदार तेजस्वी सूर्या यांनी मुख्यमंत्री सिद्धरामय्या यांच्या ट्विटला प्रत्युत्तर दिले आहे. कर्नाटक राज्याच्या सिंचन आणि पिण्याच्या पाण्याच्या गरजा पूर्ण करण्यात काँग्रेसच अपयशी ठरल्याचे ट्विट त्यांनी केलेय. तुम्ही तुमच्या कार्यकाळात कर्नाटक राज्यासाठी काय केले हे सांगा असा सवाल तेजस्वी सूर्या यांनी उपस्थित केला आहे.
म्हादई नदीच्या पाण्याचा एक थेंबही पाणी कर्नाटकला देऊ देणार नाही, असे काँग्रेस पक्षाने 2007 आणि 2022 मध्ये गोव्यातील जनतेला जाहीर आश्वासन दिले होते. मात्र त्यानंतर कर्नाटकचे मुख्यमंत्री बसवराज बोम्मई यांनी म्हादई प्रश्नी आश्वासक भूमिका घेत नदीचे पाणी कर्नाटकातील शेतकऱ्यांपर्यंत पोहोचले.
तसेच केंद्रातील मोदी सरकारने देखील सन 2022 मध्ये कळसा भांडुरा नाला प्रकल्पाच्या डीपीआरला मान्यता देत राज्याचा पाणी प्रश्न सोडवला. मात्र कर्नाटकाची सिंचन आणि पिण्याच्या पाण्याच्या गरजा पूर्ण करण्यात तुम्ही सपशेल अपयशी ठरला आहेत. तुमच्या कार्यकाळात कर्नाटक राज्यासाठी तुम्ही काय केले हे सांगा? असा सवाल तेजस्वी सूर्या यांनी ट्विटरद्वारे विचारला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
