पणजी : उच्च शिक्षण संचालनालयातील कनिष्ठ लिपिक पदासाठीची ओएमआर परीक्षा 28 ऑगस्ट 2022 रोजी होणार आहे. पात्रता यादीनुसार उमेदवारांना स्पीड पोस्टद्वारे वैयक्तिक कॉल लेटर पाठविण्यात आलेले आहे.
(Goa Job Opportunities)
ज्या पात्र उमेदवारांना 22 ऑगस्ट 2022 पर्यंत कॉल लेटर मिळालेले नाही, त्यांनी 23 किंवा 24 ऑगस्ट 2022 रोजी उच्च शिक्षण संचालनालय, दुसरा मजला, एससीईआरटी बिल्डिंग, आल्त-पर्वरी गोवा यांच्याशी संपर्क साधावा व कॉल लेटर घेऊन जावे, असे आवाहन उच्च शिक्षण संचालनालयातर्फे करण्यात आलेले आहे.
सर्व पात्र उमेदवारांना पूर्वसूचित करण्यात येते की कॉल लेटर असल्याशिवाय कनिष्ठ लिपिक पदासाठीची ओएमआर परीक्षा देता येणार नाही. 24 ऑगस्ट 2022 नंतर कोणताही दावा मान्य केला जाणार नाही, असेदेखील उच्च शिक्षण संचालनालयाने कळविलेले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
