Indian Army Agniveer: राखीव दलात गोव्यातील अग्निवीरांना 10 टक्के जागा

Indian Army Agniveer गोव्यातील अग्निवीरांना राखीव दलात दहा टक्के आरक्षण दिले जाईल, असे मुख्यमंत्री डॉ. प्रमोद सावंत यांनी आज (शनिवारी) जाहीर केले. केंद्र सरकारने लष्करात अग्निवीर म्हणून युवकांना सेवा करण्याची संधी दिली आहे.

अग्निवीर म्हणून चार वर्षे लष्करात सेवा केल्यानंतर त्यांना पोलिस, अग्निशमन आणि वन खात्यात नोकऱ्या राखीव ठेवल्या जातील, असे ते म्हणाले.

साखळी येथे रवींद्र भवनातील कार्यक्रमात ते बोलत होते. या कार्यशाळेत 13 हायस्कूलमधील विद्यार्थ्यांनी भाग घेतला.

विद्यार्थ्यांना संधी

पैसे नाहीत म्हणून राज्यात कोणीही शिक्षणापासून वंचित राहू शकत नाही. सरकारने शिक्षणासंबंधी सोयी- सुविधा निर्माण केल्या आहेत. विद्यार्थ्यांनी भविष्याचा गोल आजच ठरवून तो साध्य करण्यासाठी झोकून द्यावे.

आज सर्वच क्षेत्रांत विद्यार्थ्यांना अनेक संधी उपलब्ध असून त्यांना गवसणी घालावी, असेही आवाहन मुख्यमंत्री सावंत यांनी केले.