Goa Rain Forecast: जूनच्या पहिल्या आठवड्यात केरळमध्ये मॉन्सूनला सुरवात होणार आहे. त्या पार्श्वभुमीवर देशातील वातावरणात बदल घडून येताना दिसत आहेत.
गोव्यातही गेल्या काही दिवसांत पावसाचे वातावरण होत असून राज्याच्या काही भागात मुसळधार पावसाने हजेरीही लावली आहे. 23 आणि 24 मे रोजी देखील गडगडाची पावसाचा अंदाज गोवा वेधशाळेने व्यक्त केला आहे.
(IMD Goa)
सोमवारी संध्याकाळी तसेच रात्री गोव्यातील सत्तरी, पणजी परिसरात वीजांच्या कडकडाटासह पाऊस झाला होता. तशीच परिस्थिती मंगळवारी 23 मे रोजी असू शकते, असे या अंदाजात म्हटले आहे.
वादळी पावसासह वीजांचा कडकडाट असेल तसेच 30 ते 40 किलोमीटर प्रतीतास वेगाने वारे वाहतील. उत्तर गोवा आणि दक्षिण गोव्यातील काही ठिकाणी पाऊस पडेल, असे वेधशाळेने म्हटले आहे. तर राज्याच्या काही भागांमध्ये हलका ते मध्यम पाऊस पडेल, असेही आयएमडीने म्हटले आहे.
दरम्यान, बुधवारी 24 मे रोजी राज्याच्या काही भागांमध्ये गडगडाटासह हलका पाऊस पडेल, असेही आयएमडीने म्हटले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
