Illegal Mining in Goa: कुडणेत अवैध खाण व्यवसायावर डिचोली पोलिसांची कारवाई; 31 ट्रक जप्त

Illegal Mining in Goa: गोव्यात सुरू असलेल्या अवैध खाण व्यवसायांवर सध्या कारवाईचा बडगा उचलण्यात येत आहे. कुडणे येथे खाण विभागातर्फे कारवाई करण्यात आली आहे. कुडणे येथे विभागातर्फे लोह धातूने भरलेले 31 ट्रक ताब्यात घेण्यात आले आहेत.

माहितीनुसार, या ट्रकमधून अवैधरित्या खनिजाची वाहतूक करण्यात येत होती. या प्रकरणी डिचोली पोलिस स्थानकात गुन्हा नोंद करण्यात आला आहे.

दरम्यान, गावातून खनिज वाहतूक करण्यात येऊ नये, असे परिपत्रक केंद्रीय खाण मंत्रालयाने काढलेले असतानाही पिसुर्ले गावातून वाहतूक केली जात आहे. या खनिजवाहू ट्रकांसाठी पर्यायी रस्ता असूनही त्याचा वापर केला जात नाही.

वाहतुकीवेळी पिसुर्ले गावात धूळ नियंत्रण देखरेख यंत्रणा बसवण्यात आलेली नाही, असे जनहित याचिकादारातर्फे त्याच्या वकिलांनी आज मुंबई उच्च न्यायालयाच्या गोवा खंडपीठाच्या निदर्शनास आणून दिली.