Goa Water Resources Department : राज्यातील बेकायदेशीर बोअरवेल्स जूनपासून होणार 'सील; जलस्रोत खात्याकडून सर्व्हे सुरू, मंत्री सुभाष शिरोडकरांची माहिती

पणजी: राज्‍यातील बेकायदेशीर बोअरवेल्‍सच्‍या सर्व्हेचे काम सध्‍या जलस्रोत खात्‍याच्‍या अधिकाऱ्यांकडून सुरू आहे. येत्‍या जून महिन्‍यापासून अशा बोअरवेल्‍स सील करण्‍यात येतील, असे जलस्रोतमंत्री सुभाष शिरोडकर यांनी बुधवारी पत्रकारांशी बोलताना सांगितले.

उच्च न्‍यायालयाच्‍या आदेशानुसार, चिंबल येथील २२ बेकायदेशीर बोअरवेल्‍स सील करण्‍यात आलेल्‍या आहेत. इतर ठिकाणच्‍या बेकायदेशीर बोअरवेलच्‍या सर्व्हेचे काम जलस्रोत खात्‍याच्‍या अधिकाऱ्यांनी सुरू केलेले आहे. हे काम पूर्ण होताच जूनपासून अशा बोअरवेल्‍सही सील करण्‍यात येतील, असे शिरोडकर यांनी सांगितले.