पणजी: राज्यात सध्या उन्हाळ्याची तीव्रता दिवसेंदिवस वाढत असून, गेले काही दिवस गोवा राज्यात कडाक्याची उष्णता जाणवत आहे. यामुळे नागरिकांना त्रास सहन करावा लागत आहे. विशेष म्हणजे, आता केवळ कमालच नव्हे तर किमान तापमानातही वाढ झालीय.
शनिवारी पणजी शहरात किमान तापमान २६.४ अंश सेल्सिअस नोंदवले गेले, तर कमाल तापमान ३४.८ अंश सेल्सिअसवर पोहोचले. मुरगाव येथे किमान तापमान २७.६ अंश, तर कमाल तापमान ३४.६ अंश सेल्सिअस इतके होते.
हवामान खात्याच्या अंदाजानुसार, पुढील सहा दिवस गोवा राज्यात किमान तापमान २६ ते २७ अंश सेल्सिअसच्या दरम्यान राहण्याची शक्यता आहे. तसेच, कमाल तापमान ३५ ते ३६ अंश सेल्सिअस दरम्यान राहण्याचा अंदाज वर्तवण्यात आला आहे.
शनिवारी राज्यातील काही भागांमध्ये आकाशात ढगाळ वातावरण दिसून आले. मात्र, पावसाची शक्यता नसून हवामान खात्याने पुढील सात दिवस कोरडे हवामान राहील, असा अंदाज वर्तवला आहे. यामुळे उन्हाचा त्रास अधिक वाढण्याची शक्यता आहे.
या वाढत्या तापमानामुळे विशेषतः वृद्ध, लहान मुले आणि शारीरिक काम करणाऱ्यांनी काळजी घेण्याचे आवाहन करण्यात आले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.