गोव्यात आता दर्जेदार अध्यापनाला चालना देण्यासाठी महाविद्यालयांसाठी आर्थिक योजना

गोव्यात आता दर्जेदार अध्यापनाला चालना देण्यासाठी महाविद्यालयांना आर्थिक सहकार्य दिले जात आहे. सरकारी आणि सरकारी अनुदानित महाविद्यालयांचे NIRF रँकिंग आणि NAAC ग्रेड सुधारण्याच्या उद्देशाने अंतर्गत गुणवत्ता मूल्यांकन प्रणालीच्या अंमलबजावणीला पाठिंबा देण्यासाठी ही योजना सुरु केली आहे.

फॅक्लटी विकास कार्यक्रम, कार्यशाळा, चर्चासत्रे, प्रशिक्षण सत्र आयोजित करण्यासाठी आणि अल्पकालीन गुणवत्ता सुधारणा अभ्यासक्रमासाठी राज्याने शिक्षण संस्थांना आर्थिक सहाय्य प्रदान केले आहे.

उच्च-गुणवत्तापूर्ण अध्यापन, शिक्षण आणि संशोधनाला प्रोत्साहन देण्यासाठी हा कार्यक्रम तयार करण्यात आला असून, 31 मार्च 2026 पर्यंत लागू असेल.

शिक्षक आणि संशोधकांना त्यांच्या संशोधन, ज्ञान आणि अनुभवांची देवाणघेवाण करण्यासाठी एक मंच प्रदान करण्यासह सुविधांचा विस्तार करणे हा या कार्यक्रमाचा उद्देश आहे, असे उच्च शिक्षण अप्पर सचिव एवेलिना डी'सा ई परेरा यांनी म्हटले आहे.

कार्यक्रम प्राध्यापक आणि विद्यार्थ्यांमध्ये नाविन्यपूर्ण कल्पना, शिकवण्याच्या प्रक्रिया, शिकणे आणि मूल्यमापनाचा गाभा विकसित करण्यास मदत करेल, असेही परेरा म्हणाले.