AAPAR ID: विद्यार्थ्यांसाठी महत्वाचं!! गोव्यात बनणार 12 अंकी AAPAR ID

APAAR ID Goa Student Education Department

पणजी : गोवा सरकारकडून राज्यातील सर्व शालेय प्रवेशित विद्यार्थ्यांसाठी ऑटोमेटेड परमनंट ॲकॅडमिक अकाउंट रजिस्ट्री (APAAR ID) हा 12 अंकी ओळख क्रमांक तयार केला जाणार आहे. न्यू एज्युकेशन पॉलिसीच्या अंतर्गत 'वन नेशन, वन स्टुडंट आयडी' या उपक्रमाचा भाग म्हणून सरकारकडून ही मोहीम चालवली जाईल.

शिक्षण संचालक शैलेश झिंगाडे यांनी दिलेल्या माहितीनुसार APAAR आयडीचा वापर करून सरकारी आणि खासगी शाळांमध्ये शिक्षण घेण्याऱ्या विद्यार्थ्यांच्या शैक्षणिक प्रगतीचा मागोवा घेतला जाईल, त्यांच्या शैक्षणिक कार्यक्रमात येणाऱ्या महत्वाच्या नोंदी ठेवल्या जातील आणि यानुसार आवश्यक मदत आणि मार्गदर्शन प्रदान केले जाईल.

APAAR आयडी आधार कार्डशी जोडणार

प्रत्येक विद्यार्थ्याचा युनिक APAAR आयडी त्याच्या आधार कार्ड आणि डिजीलॉकरशी जोडला जाईल. यामुळे विद्यार्थ्यांना त्यांचे निकाल, रिपोर्ट कार्ड, ऑलिम्पियाड अचिव्हमेंट्स, क्रीडा पुरस्कार आणि कौशल्य प्रशिक्षण रेकॉर्ड डिजिटली स्टोअर आणि ऍक्सेस करता येतील.