Goa Government: गोवा सरकारनेही जातीनिहाय जनगणना करावी : मधू नाईक

Goa Government: बिहार सरकारने केलेल्या जातीनिहाय जनगणनेचा आदर्श डोळ्यांसमोर ठेवून गोवा सरकारने बहुजन समाजाला न्याय मिळवून देण्यासाठी गोव्यात जातीनिहाय जनगणना करावी, अशी मागणी राष्ट्रीय ओबीसी महासंघाचे गोवा अध्यक्ष मधू नाईक यांनी पर्वरी येथे हॉटेल गोल्डन प्लेटो बकेट हॉलमध्ये केली.

गुरुवार, 9 रोजी सायंकाळी 4 वाजता बोलावलेल्या पत्रकार परिषदेत तेबोलत होते. या पत्रकार परिषदेला ओबीसी महासंघाचे कार्याध्यक्ष पद्मनाभ आमोणकर, सरचिटणीस सर्वेश बांदोडकर आणि आदित्य चोडणकर उपस्थित होते.

गोव्यात ओबीसींची नेमकी लोकसंख्या किती आहे, ते कळल्याशिवाय त्यांच्या विकासाच्या योजना तयार करणे शक्य होणार नाही. ओबीसींची लोकसंख्या सुमारे 65 टक्के असल्याचे बिहारमधील जनगणनेने सिद्ध झाले आहे. गोव्यातही तेवढेच प्रमाण आहे, असे आमचे म्हणणे असल्याचे नाईक यांनी सांगितले.