गोव्यात 'या' दिवशी रात्रभर संगीत वाजवण्याची परवानगी

पणजी: गोवा राज्य सरकारने सणांच्या दरम्यान रात्री 10 ते सकाळी 6 पर्यंत संगीत वाजवण्यासाठी लाउडस्पीकरचा वापर करण्यास परवानगी दिली आहे. 27 फेब्रुवारीच्या कार्निव्हलच्या शेवटच्या दिवसाचाही यात समावेश आहे. (Goa News)

यावर्षी 10 वेगवेगळ्या सणांच्या निमित्ताने 17 दिवस 'अधिकृतपणे' लाऊडस्पीकर संगीत वाजवण्यास लोकांना परवानगी आहे.

या दिवशी लाउडस्पीकर वाजवण्याची परवानगी

होळी - 18 मार्च
इस्टर पूर्वसंध्या - 17 एप्रिल
इस्टर - 18 एप्रिल
गणेश उत्सव सप्टेंबर - 1 सप्टेंबर आणि 5 सप्टेंबर
अनंत चतुर्दशी - 9 सप्टेंबर
नवरात्रोत्सव - 26 सप्टेंबर आणि 5 ऑक्टोबर
कोजागिरी पौर्णिमा - 9 ऑक्टोबर
दिवाळी - 23 ऑक्टोबर आणि 24 ऑक्टोबर
त्रिपुरारी पौर्णिमा - 7 नोव्हेंबर

ख्रिसमसच्या (Christmas) पूर्वसंध्येला, ख्रिसमस आणि नवीन वर्षाच्या (New Year) पूर्वसंध्येला आणि नवीन वर्षाच्या पहिल्या दिवशी देखील लाऊडस्पीकर वाजवले जाऊ शकतात. लाऊडस्पीकर वाजवण्यासाठी संबंधित स्थानिक अधिकाऱ्यांकडून परवानगी घ्यावी लागेल.