मडगाव : गोवा सरकारी कर्मचारी संघटनेची केंद्रीय समिती निवडण्यासाठी आज 21 मे रोजी निवडणूक होत आहे. ही निवडणूक घेण्यास एका गटाने आक्षेप घेतल्याने ती वादग्रस्त होण्याची शक्यता आहे. गोवा सरकारी कर्मचारी संघटनेची ही निवडणूक पणजीत होणार आहे.
या संघटनेचे माजी पदाधिकारी संदीप बोरकर यांनी प्रसिद्धीस दिलेल्या पत्रकात सध्या जी समिती अस्तित्वात आहे. त्यांच्या विरोधात स्वतःसह पाच माजी पदाधिकाऱ्यांनी दिवाणी दावा पेश केला असून या दाव्यावरील सुनावणी प्रलंबित आहे.
सध्याच्या समितीने आपला जो कार्यकाळ वाढवून घेतला तोच मुळात बेकायदेशीर असून या ठरावाला आमसभेची संमती नाही, असे त्यांनी आपल्या पत्रकात म्हटले आहे. या समितीवर सरचिटणीस म्हणून ज्याची नेमणूक केली आहे, ती बेकायदेशीर असून या बेकायदेशीर समितीला निवडणूक घेण्याचा कुठलाही अधिकार नाही, असा दावा बोरकर यांनी केला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
