प्रतापसिंग राणेंना आजीवन कॅबिनेट दर्जा, गोवा सरकारचा निर्णय

पर्ये: आमदार प्रतापसिंग राणे (Pratap Singh Rane) यांना‌ आजीवन कॅबिनेट दर्जा देण्याचा निर्णय सरकारने घेतला आहे, गोव्यात असा‌ निर्णय प्रथमच घेण्यात आला आहे. प्रतापसिंह राणे यांनी आमदार म्हणून 50 वर्षे पूर्ण केली आहेत. या काळात त्यांनी आमदार(MLA), मंत्री, मुख्यमंत्री, सभापती तसेच विरोधी पक्षनेते अशी अनेक पदे भूषविली आहेत. हल्लीच त्यांनी राजकारणातून (Politics) निवृत्ती घेत यावेळी पर्ये मतदारसंघातून निवडणूक (Election) न लढवण्याचे जाहीर केले आहे.

राजकीय निवृत्तीची सुरू होती चर्चा

मागील काही महिन्यात गोव्याच्या राजकारणात कमालीचा बदल झालेला आपल्याला दिसून आला. अनेक राजकीय नेते पूर्वीचा पक्ष सोडून दुसऱ्या पक्षात दाखल झाले. यातच मध्यंतरी आरोग्यमंत्री विश्वजित राणे (Vishwajit Rane) आणि त्यांचे वडील आणि काँग्रेसचे ज्येष्ठ नेते प्रतापसिंग राणे (Pratap Singh Rane) हे आमनेसामने आल्याचे वृत्त समोर आले होते. पण वडील-मुलगा आमनेसामने नसल्याचे प्रतापसिंग राणे यांनी सांगितल्यावर ह्या चर्चांना पूर्णविराम मिळाला. पण आता प्रतापसिंग राणे हे राजकारणातून निवृत्त होणार असल्याचे सर्वत्र म्हंटले जात आहे.