Vijay Sardesai : त्या पोलिसांची नावे उघड करा! सर्व देशांत गोव्याचे नाव बदनाम झाले

Vijay Sardesai : दक्षिण गोव्यातील एका व्यावसायिकांकडे पोलिसांनी खंडणी मागितल्याची तक्रार केंद्रापर्यंत पोहोचल्याने सर्व देशांत गोव्याचे नाव बदनाम झाले आहे. गोव्याची ही बदनामी करणाऱ्या पोलिसांची नावे जाहीर करा, अशी मागणी गोवा फॉरवर्डचे अध्यक्ष विजय सरदेसाई यांनी केली.

ही तक्रार केंद्रीय गृहमंत्री अमित शहा यांच्यापर्यंत पोहचली असून केंद्राने या तक्रारींची दखल घेतली आहे. त्यामुळे पोलिस महासंचालकानी या पोलीसांना पाठीशी न घालता त्यांची नावे उघड करावीत अशी मागणी केली.

ही नावे जर पोलीस खात्याने उघड केली नाहीत तर आपण विधानसभा अधिवेशनात हा मुद्दा उपस्थित करून त्याची माहिती लोकासमोर आणू असे सरदेसाई यांनी म्हटले आहे.