Canacona News सत्ताधाऱ्यांनी कितीही खटले, तक्रारी दाखल केल्या तरी सकारात्मक विरोधी भूमिका बजावण्यासाठी 100 युवकांची फळी तयार करणार असल्याचे गोवा फॉर्वडचे विकास भगत यांनी पत्रकार परिषदेत सांगितले.
काणकोणच्या वेगवेगळ्या विषयांवर समाजमाध्यमांवर पोस्ट टाकल्याप्रकरणी काँग्रेसचे चेतन भंडारी व आर्टिस्ट लॉयड गुदिन्हो यांच्याविरोधात सभापती रमेश तवडकर यांचे ओएसडी बोरकर यांनी काणकोण पोलिस तसेच उपजिल्हाधिकाऱ्यांकडे तक्रार दाखल केली आहे.
भारतात जगातील सर्वांत मोठी लोकशाही आहे हे पंतप्रधान नरेंद्र मोदी यांनी आपल्‍या अमेरिका भेटीत ठासून सांगितले आहे. लोकशाहीत व्यक्ती स्वातंत्र्याबरोबरच विचार व्यक्त करण्याचे प्रत्येकाला स्वातंत्र्य आहे.
असे असताना काणकोणात त्या मूलभूत अधिकारांवर गदा आणून युवकांचा व कलाकारांचा आवाज दडपण्याचा प्रयत्न सुरू झाला आहे. काणकोणची जनता हे सहन करणार नाही, असे भगत म्‍हणाले.
कलाकारांची सतावणूक : लॉयड
लॉयड गुदिन्हो यांनी सांगितले की, मी एक आर्टिस्ट आहे. अभिव्यक्तीचे स्वातंत्र्य मला आहे. मात्र जनतेला माहिती पुरविण्यासाठी समाजमाध्यमांवर कलाकार म्‍हणून काम केल्यास तो गुन्हा कसा काय ठरू शकतो?
पोलिसांना सर्व माहिती दिली आहे. आता 4 जुलैला काणकोणच्या उपजिल्हाधिकाऱ्यांनी कार्यालयात हजर राहण्याची नोटीस पाठविली आहे. हा माझ्यासारख्या कलाकारला सतावण्याचा प्रकार आहे.
जगातील सर्वांत मोठी लोकशाही असलेला आपला देश आहे. मात्र काणकोणात त्या मूलभूत अधिकारांवर गदा आणून युवकांचा व कलाकारांचा आवाज दडपण्याचा प्रयत्न सुरू झाला आहे. काणकोणची जनता हे कोणत्‍याही परिस्‍थितीत सहन करणार नाही.
- विकास भगत, गोवा फॉर्वडचे नेते
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.