Atishi Marlena Goa Visit: दिल्‍लीच्‍या माजी मुख्‍यमंत्री आतिषी गोवा दौऱ्यावर; 'आप'च्‍या कार्यालयाचं करणार उद्‍घाटन

मडगाव: गोव्यात आम आदमी पक्षाचा (AAP) विस्तार करण्यासाठी दिल्लीच्या माजी मुख्यमंत्री आतिषी या १० मार्च रोजी एक दिवसाच्या गोवा दौऱ्यावर येणार आहेत.

आतिषी या दौऱ्यादरम्यान त्या दक्षिण गोव्यातील 'आप'च्या नव्या कार्यालयाचे उद्घाटन करणार आहेत. तसेच गाभा समितीच्या पदाधिकाऱ्यांसोबत महत्त्वपूर्ण चर्चा करणार आहेत.

तसंच सोमवारी सायंकाळी ५ वाजता नावेली येथील ‘‍ब्‍ल्‍यू बेल बिल्‍डिंग’ प्रकल्‍पात ‘आप’च्‍या या कार्यालयाचं उद्‍घाटन करण्यात येणार आहे.

आम आदमी पक्षानं गोव्यात आपली उपस्थिती वाढवण्याचे ठरवले असून, या नव्या कार्यालयाच्या उद्घाटनानंतर स्थानिक पदाधिकारी आणि कार्यकर्त्यांसोबत पक्षाच्या भविष्यातील धोरणांवर चर्चा केली जाणार आहे.

आतिषी यांच्या भेटीमुळे गोव्यात 'आप'च्या राजकीय हालचालींना वेग मिळण्याची शक्यता व्यक्त केली जात आहे.