Goa Pran Rekha App: पशुपक्ष्यांच्‍या मदतीसाठी ‘प्राण-रेखा’ ॲप लॉन्च, वन खात्याचा अनोखा उपक्रम; वनमंत्री म्हणाले...

पणजी: गोव्याच्या वन विभागाने जखमी पक्षी आणि प्राण्यांच्या त्वरित बचाव आणि पुनर्वसनासाठी ‘प्राण-रेखा’ या नवकल्पनात्मक ॲपचे अनावरण करण्यात आल्याने पक्षांच्या मदतीसाठी नवा मार्ग खुला झाला आहे.वनमंत्री विश्वजीत राणे यांनी या ॲपचा वापर करून लोकांना पक्षांना मदत करण्याचे आवाहन केले आहे.

राणे म्हणाले की, पशुपक्ष्यांनाही वेदना असतात, जगण्याचा भय असतो त्यासाठी त्यांची काळजी करण्याची गरज असते. हे ॲप त्यांच्यासाठी आवाज ठरणार आहे. नागरिकांनी संकटात असलेल्या वन्यजीवांची माहिती त्वरित नोंदवावी, जेणेकरून वन विभाग आणि बचाव पथक योग्य वेळी मदत करू शकेल, असे ते म्हणाले.

राणे पुढे म्हणाले की, गोव्यातील (Goa) जैवविविधतेचे संरक्षण करण्यासाठी हे ॲप महत्त्वाची भूमिका बजावेल. नागरिकांच्या सहकार्याने प्रत्येक जीव वाचवण्याचा हा उपक्रम अधिक प्रभावी होईल, अशी अपेक्षा देखील त्यांनी व्यक्त केली.

गोव्याच्या पर्यावरणपूरक (Environment) दृष्टिकोनात ‘प्राण-रेखा’ एक नवा अध्याय ठरणार आहे. प्रत्येक जीव महत्त्वाचा आहे. त्यांचे संरक्षण करण्यासाठी आपण एकत्र येऊया.

- वनमंत्री विश्‍वजीत राणे