Goa Flood: वांते सत्तरीत गावडे कुटुंबाचे घर कोसळले

पिसुर्ले: पर्ये मतदार संघात येणाऱ्या भिरोंडा पंचायत क्षेत्रातील वांते बोनकवली येथिल पाडुं गावडे आणि उत्तम गावडे यांचे घर(House) कोसळून सुमारे पाच लाखांचे नुकसान झाले असल्याचा अंदाज पंच नितीन शिवडेकर यांनी व्यक्त केला आहे.

सत्तरी तालुक्यातील भिरोंडा पंचायत क्षेत्रात पावसाच्या तडाख्याचा फार मोठा फटाका बसला आहे, यामध्ये फळ बागायतीचे नुकसान होताना बऱ्याच नागरिकांची घरे कोसळली आहे. त्यामुळे बऱ्याच कुटुंबांना बेघर होण्याची पाळी आली आहे. त्यात आर्थिक परिस्थितीचें चटके सहन करणाऱ्या पांडू व उत्तम गावडे यांचे घर कोसळून संपुर्ण संसार उद्धवस्त झाला आहे. सदर घटनेची दखल घेऊन सरकारने त्वरित मदत करावी अशी मागणी पांडू व उत्तम गावडे यांच्यानी केली आहे.

सदर कोसळलेल्या घरामुळे गावडे कुटुंबाचे घरातील किंमती साहित्य मिळून सुमारे पाच लाखांचे नुकसान झाले असल्याचा अंदाज पंच नितीन शिवडेकर यांनी व्यक्त केला आहे.