Goa Fishermen : खवळलेल्‍या दर्यामुळे स्‍थानिक मच्‍छीमारांची निराशा

मडगाव, गाेव्‍यातील मासेमारी बंदी उठण्‍यासाठी अजून दाेन दिवस बाकी असले तरी लहान बाेटी घेऊन दर्यात जाऊन स्‍थानिक मच्‍छीमारांनी आजपासून मासेमारी सुरु केली.

मात्र पहिल्‍या दिवशी फक्‍त ४०० किलाे काेळंबीच जाळ्‍यात सापडली, अशी माहिती स्‍थानिक मच्‍छीमारांनी दिली. कोलव्‍यातून सुमारे २२ मच्‍छीमारी बाेटी मासेमारीसाठी पाण्‍यात उतरल्‍या होत्‍या.

आजचा दिवस आमच्‍यासाठी निराशाजनक होता. दर्या खवळलेला असल्‍यामुळे आम्‍हाला फारसे मासे मिळाले नाहीत. त्‍याशिवाय आज कोळंबीला दरही कमी हाेता.

एरव्‍ही शंभर रुपये किलो या भावाने कोळंबी विकली जाते. मात्र आजचा भाव ८० रुपये होता, असे त्‍यांनी सांगितले. हे मासे प्रक्रियेसाठी कारखान्‍यात पाठविले जातात. मात्र तिथेही दर कमी मिळत असल्‍यामुळे केरळमधून आता गोव्‍यात कोळंबी पाठविली, जाते असे या मच्‍छीमारांनी सांगितले.