Goa: एलआयसी हाउसिंग फायनान्सच्या व्यवस्थापकालाच हाताशी धरून कमी किमतीच्या मालमत्तांची किंमत दुप्पट दाखवून मोठ्या प्रमाणावर कर्ज घेण्याचा प्रकार सध्या उघडकीस आला. फातोर्डा पोलिसांनी व्यवस्थापक हेमंत सूर्यवंशी याच्यासह कर्ज घेणाऱ्या मडगाव येथील रामचंद्र कोडपुल्ली व राय येथील मिनिन झेवियर या दोन कर्जदारावर फसवणुकीचा गुन्हा नोंद केला आहे.
फायनान्सच्या पुणे येथील मुख्य कार्यालयाला याची वर्दी देऊनही या बनावटगिरी विरोधात कोणतीच चौकशी करण्यात आली नव्हती. या प्रकरणी या एलआयसी (LIC) हाउसिंग फायनान्स कंपनीतर्फे मालमत्तांचे मूल्यांकन करणारे अधिकारी जोसेफ किरांचिरा यांनी ही तक्रार दिली असून आपली बनावट सही करून आणि बनावट शिक्का वापरून मूल्यांकन अहवाल ही कर्जे संमत केली.
झेवियर यांच्या जमिनीची किंमत 3.97 कोटी रुपये असताना ती वाढवून 5.09 कोटी रुपये अशी दाखविण्यात आली आहे. तर कोदुपुल्ली यांच्या बंगल्याची किंमत 54 लाख रुपये असताना ती वाढवून 98 लाख इतकी दाखवून मालमत्तेच्या किंमती पेक्षा अधिक कर्ज देण्यात आल्याचे दिसून आले आहे.
कर्जांचे किमान 700 प्रस्ताव पास
याप्रकरणी जून 2000 मध्ये पहिली तक्रार करण्यात आली होती, त्यावेळी या प्रकरणी कार्यालयीन चौकशी करावी, असे पोलिसांनी नमूद करून एलआयसी हाउसिंग फायनान्सच्या मुख्य कार्यालयाकडे पाठविली होती. ज्या व्यवस्थापकावर सध्या एफआयआर दाखल झाला आहे, त्याच्या कारकिर्दीत कर्जांचे किमान 700 प्रस्ताव पास झाले असल्याने या भानगडीची व्याप्ती बरीच मोठी आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
