Cancer News : फुफ्फुसाच्या कर्करोगाची गोमेकॉत साधनसुविधा

Cancer News : याशिवाय आता कृत्रिम बुद्धिमत्तेच्या (एआय) शक्तीवर चालणारी फुफ्फुसाच्या कर्करोगाची साधने जिल्हा रुग्णालये आणि प्राथमिक आरोग्य केंद्रांमध्ये (पीएचसी) उपलब्ध केली जातील, अशी माहिती आरोग्यमंत्री विश्‍वजीत राणे यांनी दिली.
 Minister Vishwajit Rane
Minister Vishwajit Rane Dainik Gomantak

Cancer News :

पणजी, राज्यात कर्करोगावर सर्व आवश्‍यक उपचारपद्धती उपलब्ध करण्यासाठी राज्य सरकार प्रयत्नशील आहे. त्यासाठी टाटा मेमोरिअलच्या सहकार्यानेही मल्टी सुपर स्पेशालिटीमध्ये कॅन्सर विभाग कार्यरत झाला आहे.

याशिवाय आता कृत्रिम बुद्धिमत्तेच्या (एआय) शक्तीवर चालणारी फुफ्फुसाच्या कर्करोगाची साधने जिल्हा रुग्णालये आणि प्राथमिक आरोग्य केंद्रांमध्ये (पीएचसी) उपलब्ध केली जातील, अशी माहिती आरोग्यमंत्री विश्‍वजीत राणे यांनी दिली.

राणे म्हणाले की, त्वरित निदान, सुलभ आणि अत्याधुनिक उपचार पद्धतींचा वापर करून राज्यात कर्करोगग्रस्तांची काळजी घेण्यात राज्य आघाडीवर आहे.

 Minister Vishwajit Rane
Yellow Alert In Goa: गोव्यात पुढील सहा दिवस पावसाची शक्यता, दोन दिवसांसाठी 'यलो अलर्ट'

शिवाय प्राथमिक आरोग्य केंद्रातही मोफत स्तन कर्करोग तपासणी होत असल्याने निश्‍चित त्याचा उपचारपद्धतीसाठी फायदा होत आहे.

गोमेकॉत स्तन कर्करोगाच्या रुग्णांसाठी ‘पेर्टुझुंब-ट्रस्टुझुंब’ या थेरपी मोफत पुरविण्यात येत आहेत. टाटा मेमोरिअलच्या सहकार्याने कर्करोगांवर उपचार सुविधा उपलब्ध करणे शक्य झाल्याचाही त्यांनी उल्लेख केला.

- ‘एआय’ तंत्रज्ञानाचा वापर

अत्याधुनिक यंत्रणेचा विचार केला तर गोमेकॉत कृत्रिम बुद्धिमत्तेच्या शक्तीवर चालणाऱ्या यंत्रणेचा वापर केला जाणार आहे. अशी साधने उपलब्ध केल्याने फुफ्फुसाच्या कर्करोगाची तपासणी जिल्हा रुग्णालय, आरोग्य केंद्रांमध्ये होईल आणि कर्करोगग्रस्तांवर उपचार करणे सोपे होईल, असेही राणे यांनी नमूद केले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com