Goa Excise Dept Raid: नियमाचे उल्लंघन, शिवोलीतील बारवर रात्री उशीरा अबकारी खात्याचा छापा

Goa Excise Dept Raid: शिवोलीतील एल पेट्रॉन कॅफे आणि बारवर रात्री उशीरा अबकारी खात्याने छापेमारी केली. मद्य विक्री नियमांचे उल्लंघन केल्याप्रकरणी सोमवारी (दि.11) ही कारवाई करण्यात आली.

मिळालेल्या माहितीनुसार, अबकारी खात्याच्या वतीने सोमवारी रात्री शिवोली येथील एल पेट्रॉन कॅफे आणि बारवर छापेमारी केली. बारमध्ये ठरवून दिलेल्या वेळेपेक्षा अधिककाळ मद्यविक्री सुरु असल्याचे निष्पन्न झाले. रात्री अकरानंतर मद्यविक्रीस बंदी आहे.

वेळ मर्यादेपेक्षा अधिककाळ मद्यविक्री केल्याप्रकरणी एल पेट्रॉन कॅफे आणि बारविरोधात अबकारी खात्यातर्फे गुन्हा दाखल करण्यात आला आहे.

एल पेट्रॉन कॅफे आणि बारचे चालक अक्षित शेट्टी आणि उदय सेन यांची याप्रकरणी चौकशी सुरु असून, अधिक तपास केला केला आहे. दरम्यान, तपासापर्यंत एल पेट्रॉन बंद ठेवला जाणार असल्याची माहिती आहे.