Goa Election: गोव्यात ‘आप’ चा घरोघरी प्रचार

म्हांबरे आणि नेते प्रशांत नाईक यांनी सांत आंद्रे आणि कुंकळ्‍ळी मतदारसंघात घरोघरी आपचा प्रचार सुरू केला आहे . आम आदमी पार्टीने (AAP) रोजगार हमी जाहीर केली तेव्हा सरकारला (Goa Government)जाग आली आणि निवडणुकीपूर्वी (Goa Election) दहा हजार नोकऱ्यांचे गाजर दाखवले. गेल्या पाच वर्षांत त्या नोकऱ्या कुठे होत्या?, आता फक्त एक महिना बाकी आहे, किती नोकऱ्या देणार? असा सवाल आपने केला आहे. (Goa Election: AAM Admi Party start door to door campaign)

कुंकळ्‍ळीवासीयांनी भाजप आणि काँग्रेस या दोन्ही पक्षांना पाहिले आणि निवडूनही दिले. पण तरीही विकास झालेला नाही. चांदर आणि गिर्दोली येथे प्राथमिक आरोग्यकेंद्र नाही. ‘आप’ सत्तेत आल्यास 50 खाटांचे अर्बन हेल्थ सेंटर उभारेन, असे आश्‍‍वासन प्रशांत नाईक यांनी दिले. भ्रष्टाचारमुक्त प्रशासनाची नितांत गरज आहे हे आता गोमंतकीयांना कळून चुकले आहे आणि ते फक्त आम आदमी पार्टीच देऊ शकते असेही ते म्हणाले.

राज्यातील आगामी विधानसभा निवडणुकीच्या आधी ‘आप’ने घरोघरी जाऊन प्रचार सुरू केला आहे. मोफत वीज आणि मोफत तीर्थयात्रेच्या हमींवर पक्षाला चांगला प्रतिसाद मिळत आहे, असा दावाही यावेळी करण्‍यात आला.