Train Accident: धावत्या ट्रेनमधून पडून युवकाचा मृत्यू; दूधसागर येथील धक्कादायक घटना

Train Accident: दूधसागर येथे धावत्या ट्रेनमधून पडून एका युवकाचा दुर्दैवी मृत्यू झाल्याची घटना घडल्याची माहिती समोर येतेय. नीलकंठ चव्हाण (वय 24)असे मृत्युमुखी पडलेल्या तरुणाचे नाव आहे.

सदर तरुण चालत्या रेल्वेच्या जनरल कोचच्या प्रवेशद्वारावर उभा असताना त्याचा तोल जाऊन तो खाली पडल्याने त्याचा मृत्यू झाल्याची माहिती समोर येतेय. हा तरुण मूळचा कुठला किंवा त्याच्या पश्चात कुणी आहे याबाबत सावितर माहिती उपलब्ध झाली नाही.

नववर्षाचा पहिला दिवस आणि सरत्या वर्षाचा शेवटचा दिवस हा अपघात, गुन्हेगारीच्या घटनांनी बराच गाजला. नववर्षाच्या पहिल्याच दिवशी म्हजे आज सोमवारी राजधानी पणजीत झालेल्या अपघातात एका युवकाला आपले प्राण गमवावे लागले.

तर वाळपई येथे कार आणि दुचाकी यांच्यात झालेल्या अपघातात दुचाकीस्वार गंभीर जखमी झाल्याचे वृत्त आले आहे.

रस्ते अपघातांची संख्या कमी व्हावी यासाठी गोवा पोलीस आणि वाहतूक पोलीस अपघात प्रवण क्षेत्रात जागोजागी तैनात करण्यात आले असून वाहतुकीचे नियमही कठोर करण्यात आले आलेत. मात्र काही बेशिस्त वाहनचालकांच्या कृतीमुळे अपघातांचे प्रमाण दिवसेंदिवस वाढत आहे.