Goa Accident : धारगळमध्ये ट्रक तर मोपा रोडवर क्रेन उलटली; दोन्ही ड्रायव्हर बालंबाल बचावले

Goa Accident : राज्यात अपघातांचे सत्र चालूच असून काल बुधवारी रात्री क्रेन आणि ट्रक उलटण्याच्या घटना घडल्या आहेत. धारगळ येथे वाळू वाहतूक करणारा ट्रक उलटल्याची घटना रात्रौच्या सुमारास घडली.

भरधाव ट्रक वरील चालकाचे नियंत्रण सुटल्याने ट्रक पलटला. या अपघातात ड्रायव्हर मात्र बालंबाल बचावला.

तर दुसरा अपघात धारगळ येथील मोपा एलिव्हेटेड रोड पुलावर काम करणारी अवजड क्रेन उलटली याही अपघातात क्रेन ऑपरेटरला किरकोळ दुखापत झाल्याची माहिती मिळाली आहे.

काल बुधवारी राज्यात अपघातांचे सत्र घडले. बार्शे येथे राष्ट्रीय महामार्गावर आज सकाळी झालेल्या अपघातात काणकोण येथील एक 55 वर्षीय महिला ठार झाली.

सदर महिला दुचाकीवर मागे बसली होती. तसेच तिस्क उसगाव येथे झालेल्या अन्य एका अपघातात भाजीपालावाहू टेम्पो आणि जीप यांच्यात झालेल्या अपघातात जीपचालक गंभीर जखमी झाल्याची घटना घडली .

तर बुधवारी सकाळच्या सुमारास संजीवनी सहकारी साखर कारखान्याजवळ सदर अपघात झाला.यात जीपच्या दर्शनी भागात्रा चक्काचूर झाला गाडीत अडकलेल्या चालकाला बाहेर काढण्यासाठी अग्निशमन दलाच्या जवानांना पाचारण करावे लागले. गोमेकॉ इस्पितळात गंभीर जखमी चालकावर उपचार सुरू आहेत.