Goa: गोव्यात सध्या पडत असलेल्या अवकाळी पावसामुळे रावण (वरचावाडा), सत्तरी (Sattari) येथील गितेश जयराम गावस यांच्या घरावर वीज (Lightning Strike) पडून घरातील विजेवर चालणारी सर्व उपकरणे जळून निकामी झाली. बुधवारी 3 नोव्हेंबर रोजी रात्री झालेल्या गडगडावेळी वीज कोसळून सदर घटना घडली.
यात टीव्ही, मिक्सर, इस्त्री, विजेचा मीटर, विजेची वहिनी व अन्य साहित्याचा समावेश आहे. त्यामुळे सुमारे 1 लाख रुपयांचे नुकसान (Damage) झाले आहे. तसेच त्यांच्या घरा शेजारील माडाच्या झाडावर वीज पडली व माडासकट जवळील झाडे जळून गेली.
या घटनेची माहिती केरी ग्रामपंचायतीला दिली असून तलाठ्यामार्फत पाहणी करून पंचनामा करण्यात येणार असल्याचे पंचायत कार्यालयाकडून सांगण्यात आले. तसेच त्यांनी नुकसान भरपाई देण्याची मागणी मान्य केली आहे.
दरम्यान गेल्या काही दिवसांपासून सत्तरीच्या काही भागात वीज चमकणे आणि गडागडासह जोरदार पाऊस पडत आहे. या पावसामुळे वीज पुरवठा वारंवार खंडित होत आहे. तसेच गडगडाट आणि वीज चमकत असल्याने भीतीचे वातावरण निर्माण झाले आहे.
वीज चमकण्याचा परिणाम संध्याकाळच्या वेळी कामातून घरी परतणाऱ्या कामगार वर्गावर पडत आहे. तसेच दिवाळीचा सणावर देखील पावसाचा परिणाम झाल्याचे दिसून येत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
