Cyber Security: ऑनलाईन गुन्हे रोखण्यासाठी सरकार प्रयत्नशील; गोव्याच्या सुरक्षेसाठी तयार करणार "सायबर योद्धा"

पणजी: वाढत्या सायबर गुन्ह्यांवर आळा बसवण्यासाठी गोवा सध्या प्रयत्नशील आहे. गोव्यातील सायबर गुन्ह्यांचे प्रयत्न कमी करण्यासाठी मुख्यमंत्री डॉ. प्रमोद सावंत यांनी "सायबर योद्धा" हा उपक्रम राबवण्यावर भर दिला आहे.

या उपक्रमात काही व्हॉलेंटियर्स ऑनलाईन धोक्यांपासून कसं वाचता येईल याबद्दल लोकांना शिक्षित करतील आणि या उपक्रमाअंतर्गत अधिकाधिक लोकांपर्यंत याचा फायदा पोहोचेल यावर काम केलं जाईल. सध्या गोवा पोलीस या व्हॉलेंटियर्सना गुन्हे शोधण्यासाठी, ट्रेंड समजून घेण्यासाठी आणि इतरांना ऑनलाइन सुरक्षित कसे राहायचे हे शिकवण्यासाठी प्रशिक्षण देत आहेत.

राज्यात होणारी सायबर फसवणूक कमी व्हावी म्हणून २४/७ सायबर हेल्पलाइन देखील सुरू करण्यात आली आहे. यात फसवणूक करणाऱ्यांची खाती गोठवण्यासाठी त्वरित कारवाई करण्यावर भर दिला जाईल. गोव्याने पोलिसांना डेटाचे विश्लेषण करण्यात आणि गुन्ह्यांशी लढण्यासाठी मदत करण्यासाठी AI-ML लॅब सुरू केली. त्यांनी या उपक्रमासाठी स्थानिक टेक कंपनीसोबत भागीदारी देखील केली आहे.

वाहतूक व्यवस्थापनासाठी गोव्याने ‘क्विक पास’ ॲप विकसित केले आहे. हे ॲप ड्रायव्हर्सना ट्रॅफिक नियमांचे पालन केल्याचे सिद्ध करण्यासाठी आणि त्रास टाळण्यासाठी एक क्यूआर कोड तयार करू देते. लवकरच इतर राज्ये देखील हे ॲप स्वीकारतील असा विश्वास मुख्यमंत्र्यांनी व्यक्त केला आहे. सध्या गोवा पोलीस ट्रॅकिंग सेंटर, क्यूआर कोड फीडबॅक सिस्टीम आणि भाषांतरासाठी तंत्रज्ञानाचा सक्रियपणे वापर करत आहेत.