पणजी: गोवा सायबर क्राईम पोलिसांनी तब्बल २.८० कोटी रुपयांच्या डिजिटल फसवणूक प्रकरणात दिवाकर झा (३०) या संशयिताला अटक केली आहे. कासावली येथील एका रहिवाशाची "डिजिटल अटक" या नव्या पद्धतीने फसवणूक करण्यात आली होती. पोलिसांनी गुन्हा दाखल करत संशयिताला न्यायालयात हजर केले असून त्याला पोलिस कोठडी सुनावण्यात आली आहे.
ही कारवाई भारतीय न्याय संहिता कायदा २०२३ च्या कलम ३१८(४), ३१९(२) सह ३(५) आणि माहिती तंत्रज्ञान कायद्याच्या कलम ६६-डी अंतर्गत करण्यात आली आहे.
पोलिसांच्या माहितीनुसार, ४ सप्टेंबर ते ९ ऑक्टोबर २०२५ या कालावधीत संशयिताने व्हॉट्सअ‍ॅपवरून संपर्क साधत अंमलबजावणी संचालनालयाचा अधिकारी असल्याचे भासविले. तक्रारदाराचा आधार कार्ड मनी लाँडरिंग प्रकरणात वापरला गेला असल्याचा खोटा दावा करून त्याला "हाऊस अरेस्ट" करण्याची धमकी देण्यात आली.
संशयिताच्या बँक खात्यात जमा झालेल्या ५० लाख रुपयांचा मागोवा घेतल्यावर, ते रक्कम त्याच्या साथीदारांच्या अनेक खात्यांमध्ये वळवण्यात आली असल्याचे समोर आले. ही खाती मध्य प्रदेश, राजस्थान, आंध्र प्रदेश, बिहार, मिझोराम, तामिळनाडू, तेलंगणा, गुजरात आणि गोवा या नऊ राज्यांतील ११ सायबर फसवणूक प्रकरणांशी संबंधित असल्याचे पोलिस तपासात निष्पन्न झाले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.