Corchorem Accident: कुडचडे काकुमोड्डी येथे दोन दुचाकींची समोरासमोर ठोकर बसून अपघात झाल्याची घटना शनिवारी घडली. या अपघातात दोन्ही दुचाकीस्वारांना गंभीर दुखापत झाली असून त्यांना तातडीनं रुग्णालयात हलवण्यात आले असल्याची माहिती समोर आली आहे.
या संबंधी मिळालेल्या माहितीनुसार GA09 S 306I क्रमांकाची यामा बाईक तर GA O5 V 4525 क्रमांकाची Activa या दोन्ही दुचाकी कुडचडे काकुमोड्डी येथे समोरासमोर आल्यावर दोन्ही दुचाकीस्वारांचे गाडीवरील नियंत्रण सुटले. परिणामी दोन्ही दुचाकीस्वार एकमेकांना समोरासमोर धडकले. जोरदार धडक बसल्याने दोन्ही दुचाकी स्वाराना गंभीर जखमा झाल्या.
अपघाताचे वृत्त समजताच कुडचडे पोलीस अपघातस्थळी तातडीनं दाखल झाल्यावर त्यांनी स्वतःच्या जीपमध्ये एका दुचाकीस्वाराला बसवून तर 108 ऍम्ब्युलन्स मधून दूसऱ्याला कुडचडे काकोडा आरोग्य केंद्रात दाखल केले. केपे पोलीस सदर अपघाताचा पंचनामा करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.