पणजी : बुधवारपासून खरीतर सुरू होणे अपेक्षित असलेली फेरी प्रत्यक्षात सुरू होण्यास पाच दिवस लागले. कारण महापालिकेत अष्टमीच्या फेरीत उभी करावयाच्या दुकानांसाठी विक्रेत्यांकडून भरून घ्यावयाच्या अर्जांचा घोळ झाला. अर्जांचा काळाबाजार झाल्याने नव्याने अर्जविक्री प्रक्रिया पार पाडावी लागली. त्यात चार दिवस उलटले आणि रविवारी एका बाजूला दुकाने उभी करण्याची कसरत विक्रेते करीत होते, तर दुसरीकडे लोकांची मोठी गर्दी दिसत होती.
अर्जांची बेकायदेशीरपणे अव्वाच्या सव्वा भावाने विक्री केली. त्यामुळे विक्रेत्यांचा गोंधळ झाला, त्यावर पोलिसांना लाठीमारही करावा लागला. मोन्सेरात यांनी संबंधित अधिकारी व नगरसेवकांना तंबी दिली, त्यामुळे नव्याने शनिवारी अर्ज विक्री प्रक्रिया महापालिकेला पार पाडावी लागली. रविवारी दुकाने उभारली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
