मागील काही महिन्यांच्या कालावधीत राज्यात महिलांवरील अत्याचाराच्या घटनांमध्ये वाढ झाली आहे. मडगाव पालिका इमारतीत शिरलेल्‍या एका इसमाने पालिकेतील एका महिला कर्मचाऱ्यासमोर विक्षिप्‍त हावभाव करून तिचा विनयभंग केल्‍याचा धक्कादायक प्रकार समोर आला आहे. या आरोपाखाली मडगाव पोलिसांनी काल (11 जानेवारी) एकाला ताब्यात घेतले.
फकिरासारखा वेष केलेली ही व्‍यक्‍ती काल दुपारी 2.10 च्‍या सुमारास पालिका इमारतीत घुसली. पालिकेच्‍या पहिल्‍या मजल्‍यावर येऊन तो इकडे तिकडे फिरत असताना कर्मचाऱ्यांनी त्‍याला हटकले असता त्‍यांना विक्षिप्‍त रितीने हावभाव करून तिथून त्‍याने पळ काढला.
या संदर्भात मडगाव पाेलिसांना कळविल्‍यानंतर त्‍यांनी त्‍याचा शोध घेऊन मडगाव रेल्वे स्थानकावर त्‍याला जेरबंद केले.
दरम्यान, काही दिवसांपूर्वी कुळे रेल्वेस्थानकाजवळ मध्य प्रदेशमधील 2 मुलींवर सामूहिक बलात्कार झाल्याची धक्कादायक घटना समोर आली. गोव्यात कामासाठी म्हणून आलेल्या 2 अल्पवयीन मुलींवर कुळे रेल्वे स्थानकावर कामाला असलेल्या तिघांनी अत्याचार केला. कुळे पोलिसांनी या तिघांना ताब्यात घेतले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
