गोव्यात अवैध गोष्टी घडू नयेत यासाठी गोवा पोलीस प्रशासन आणि अबकारी खाते सदैव तत्पर असते. काणकोण अबकारी कार्यालयाच्या अधिकाऱ्यांनी पोळे तपासणी नाक्यावर 30 हजार रूपये किंमतीचा अवैध मार्गाने कर्नाटकात वाहतूक करण्यात येणारे मद्य जप्त केले. (Illegal Liquor Seized at Polem Check Post)
अबकारी खात्याचे काणकोण कार्यालयाचे अबकारी अधिक्षक चंद्रनाथ देसाई यांच्या मार्गदर्शनाखाली या वाहनात अवैध दारूची वाहतूक करण्यात येत असल्याचा सुगावा लागल्यानंतर तपासणी नाक्यावरील अधिकाऱ्यांनी हे वाहन अडवून त्याची तपासणी केली असता त्यांना त्या वाहनात 30 हजार रूपये किंमतीच्या परदेशी बनावटीच्या दारूच्या बाटल्या सापडल्या. अबकारी अधिकाऱ्यानी अवैध मद्याबरोबरच 22 लाख रूपये किंमतीचे वाहन जप्त केले आहे, त्याचबरोबर वाहन चालकाला ताब्यात घेतले आहे.
काणकोण अबकारी कार्यालयाच्या अधिकाऱ्यांनी आज पोळे तपासणी नाक्यावर 30 हजार रूपये किंमतीचे अवैध मार्गाने कर्नाटकात वाहतूक करण्यात येणारे मद्य वाहनासह जप्त केले. पिझ्झा घेऊन गोव्यातून कर्नाटकात जाणाऱ्या कंटेनरमधून या मद्याची अवैधरित्या वाहतूक करण्यात येत होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.