तरूणांमधील निराशेने आता टोक गाठले असून राज्यातील आत्महत्येच्या घटनांमध्ये वाढ झाली आहे. अशीच एक घटना सत्तरी येथे घडली असल्याचे समोर आली आहे. काही किरकोळ कारणांनी 22 वर्षीय तरुणीने आपले जीवन संपवल्याने परिसरात हळहळ व्यक्त होत आहे.
उपलब्ध माहितीनुसार, पणशे पिसूर्ले सत्तरी येथील एका 22 वर्षीय युवतीने काल गुरुवारी (ता.15) आपल्या राहत्या घरी गळफास घेऊन आत्महत्या केली. ही युवती साखळी येथील मॅनेजमेंट कॉलेजमध्ये शिकत होती. प्रेमप्रकरणातून तरुणीने हे टोकाचे पाऊल उचलले असल्याचे बोलले जात आहे. मात्र याबाबत अधिकृत माहिती समोर आली नाही.
दरम्यान, वाळपई पोलीस या घटनेचा अधिक तपास करत आहेत. शवविच्छेदनानंतर मृतदेह कुटुंबियांच्या स्वाधीन करण्यात आला. या घटनेची वाळपई पोलिसात अनैसर्गिक मृत्यू म्हणून नोंद करण्यात आली असून पोलीस याबाबत अधिक तपास करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.