म्हापसा : येथील चंद्रनाथ अपार्टमेंटमधील एका दुकानावर छापा टाकत म्हापसा पोलिसांनी दीड लाखांचा गुटखा व सिगारेट जप्त केली.
‘नरेश पेन सेंटर’ या स्टेशनरी दुकानातून गुटखाची विक्री केली जात होती. याबाबतची माहिती मिळताच, पोलिसांनी ग्राहक बनून सदर दुकानाची शहनिशा करण्यात आली. दुकानमालक संशयित भूराराम चौधरी यास रंगेहात पकडले. झडतीवेळी दुकानात मोठ्या प्रमाणात साठवून ठेवलेला दीड लाखांचा गुटखा आणि सिगारेटचा माल पोलिसांच्या हाती लागला.
पोलिस निरीक्षक परेश नाईक यांच्या मार्गदर्शनाखाली उपनिरीक्षक आशिष परब, विराज कोरगावकर, हवालदार सुशांत चोपडेकर, कॉन्स्टेबल राजेश कांदोळकर, आनंद राठोड व अक्षय पाटील या पथकाने ही कारवाई केली.
स्टेशनरी दुकानाच्या नावाखाली संशयित गुटखा व सिगारेटचा व्यवसाय करत होता आणि शहरातील व्यवसायिकांना तो माल पुरवत होता.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
