Goa Drugs Seized: गोवा क्राईम ब्रँच पथकाचा छापा; 5 लाख रूपयांचे अमली पदार्थ जप्त, उत्तर प्रदेशच्या शेतकऱ्याला अटक

Goa Drugs Seized: गोवा पोलिसांच्या क्राईम ब्रँच पथकाने शुक्रवारी केलेल्या कारवाईत 5 लाख रूपयांचे अमली पदार्थ जप्त केले आहेत. या छाप्यात एकाला अटकही करण्यात आली आहे. म्हापशातील ग्रीन पार्क हॉटेलजवळ उड्डाणपुलाच्या खाली ही कारवाई करण्यात आली.

क्राईम ब्रँचच्या पथकाला मिळालेल्या गुप्त माहितीनंतर पोलिस निरीक्षक लक्षी आमोणकर, इर्शाद वाटंगी, संजय गांवकर, कल्पेश शिरोडकर, नवीन पालयेंकर, साईनाथ कोपार्डेकर आणि विनायक सावंत यांच्या पथकाने ही कारवाई केली.

या नार्कोटिक छाप्यात अवधेशकुमार श्यामबिहारी राम (वय 35 वर्षे) याला अटक करण्यात आली आहे. तो मूळचा विकासखंड, बस्ती, भलिया, उत्तर प्रदेश येथील रहिवासी आहे. तो शेतकरी आहे, असे कळते. त्याच्याकडे 5 किलो गांजासदृश्य पदार्थ आढळून आला आहे.

त्याची बाजारातील किंमत 5 लाख रूपये इतकी आहे. पोलिस निरीक्षक नॅथन अल्मेडा यांच्या देखरेखीखाली पुढील तपास केला जात आहे.