Goa: गोव्‍याचा माजी रणजीपटू सौरभ बांदेकर (Saurabh Bandekar) याने 'आम आदमी पार्टी'त (AAP) प्रवेश केला. पक्षाचे गोवा संयोजक राहुल म्हांबरे (AAP Convenor Rahul Mhambre) यांनी त्‍याचे पक्षात स्‍वागत केले.
सौरभ हा प्रथम श्रेणी क्रिकेटपटू, माजी रणजीपटू आहे. गोव्याचे त्‍याने प्रतिनिधित्व केले आहे. 2009 ते 11 या काळात त्‍याने आयपीएलमध्ये (IPL 2009 - 11) रॉयल चॅलेंजर्स बंगलोरचे (RCB) प्रतिनिधित्व केले. 2005-06दरम्यान दक्षिण आफ्रिका, पाकिस्तान, बांगलादेश, झिंबाब्‍वे आणि श्रीलंका या संघांचा समावेश असलेल्या आफ्रो-आशियाई स्पर्धेत तो खेळला आहे.
केजरीवाल सरकारने दिल्लीत केलेल्या कामामुळे मी प्रभावित झालोय. गोव्‍यालाही असे प्रामाणिक सरकार भविष्‍यात मिळेल. या सरकारची काम करण्‍याची तडफ वेगळीच आहे. त्‍यामुळेच प्रभावीत होऊन मी ‘आप’मध्ये प्रवेश केला.
- सौरव बांदेकर, गोव्‍याचा माजी रणजीपटू
गोव्‍यात आम आदमी पक्षाचे कार्य दिवसेंदिवस वाढत आहे. गोमंतकीय जनतेला ‘आप’बद्दल विश्‍‍वास वाटू लागला आहे. त्‍यामुळेच भाजपचे अनेक नेते केजरीवाल यांच्या मॉडेलने प्रभावित होऊन ‘आप’मध्ये सामील होत आहेत.
- राहुल म्हांबरे, ‘आप’चे राज्य संयोजक
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
