Goa Corona Update
Goa Corona UpdateDainik Gomantak

Goa Corona Update: हुश्श, गोवा कोरोनामुक्त राज्यात शून्य सक्रिय रूग्ण; 7 दिवसांत एकही नवा रूग्ण नाही

सध्या राज्यात एकही सक्रिय कोरोना रूग्ण नसल्याने गोव्यासाठी ही दिलासादायक बाब मानली जात आहे.

Goa Corona Update: गोव्यातील जनतेला दिलासा देणारी बातमी समोर आली आहे. राज्यातील सक्रिय कोरोना रूग्णांची संख्या शून्यावर आली आहे. मागील सात दिवसांत राज्यात एकाही कोरोना बाधित रूग्णांची नव्याने नोंद झालेली नाही. आज 204 जणांचे नमूने तपासण्यात आले.

सध्या राज्यात एकही सक्रिय कोरोना रूग्ण नसल्याने गोव्यासाठी ही दिलासादायक बाब मानली जात आहे.

राज्यात 28 ते 31 जुलै याकाळात एकही नव्या कोरोनाबाधित रूग्णाची नोंद झाली नाही. यापूर्वी 27 जुलै रोजी दोन नव्या रूग्णांची नोंद झाली होती. त्याच्या चार दिवसानंतर एक ऑगस्ट रोजी एक नव्या रूग्णांची नोंद झाली. त्यानंतर 09 ऑगस्ट रोजी नव्याने एक रूग्ण वाढला.

मागील सात दिवसांत मात्र राज्यात नव्याने एकही कोरोना बाधित रूग्ण वाढला नाही. तसेच, राज्यात सक्रिय असणाऱ्या एका कोरोना बाधित रूग्णाला देखील आज डिस्जार्च देण्यात आला. त्यामुळे गोवा सध्यातरी कोरोनामुक्त झाला आहे.

गोव्यातील कोरोनाची आजवरची आकडेवारी

गोव्यात आजवर 02 लाख 63 हजार 334 जणांना कोरोनाची बाधा झाली असून, त्यापैकी 02 लाख 59 हजार 320 जण कोरोनामुक्त झाले आहेत. राज्यात आजवर 4 हजार 14 जणांचा कोरोनामुळे मृत्यू झाला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com