Goa Corona Update: गणपती उत्सवात गोवेकरांना आनंदाची बातमी, राज्यात सक्रिय कोरोना रुग्णांची संख्या शून्य

Goa Corona Update: कोरोना संसर्गाबाबत गोव्यातील नागरिकांसाठी एक महत्वाची अपडेट आहे. राज्यातील सक्रिय कोरोना रुग्णांची संख्या शून्य झाली आहे.

गुरुवारी राज्यात 204 जणांचे नमूने तपासण्यात आले, त्यापैकी एकही सकारात्मक आलेला नाही.

आरोग्य विभागाने प्रसिद्ध केलेल्या आकडेवारीनुसार, राज्यात आजवर दोन लाख ६३ हजार ३५२ जणांना कोरोनाची लागण झाली. त्यापैकी दोन लाख ५९ हजार ३३८ जण कोरोनामुक्त झाले.

आजवर कोरोनामुळे ४ हजार १४ जणांचा बळी गेला आहे. राज्याचा रिकव्हरी रेट ९८.४८ टक्के एवढा आहे.

एक महिन्यापूर्वा देखील राज्यातील सक्रिय कोरोना रुग्णसंख्या देखील शून्य झाली होती. त्यानंतर एक ते दोन नव्या कोरोनाबाधित रुग्णांची नोंद झाली त्यानंतर पुन्हा राज्यातील एकही सक्रिय बाधित रुग्ण नाही.