पणजी: गेले काही दिवस बऱ्याच प्रमाणात घटलेले कोरोना रुग्णांचे प्रमाण पुन्हा हळूहळू वाढू लागले आहे. राज्यात शनिवारी कोरोनाचे 8 नवे रुग्ण सापडले असून संक्रमणाचा दर 1.25 टक्के इतका झाला आहे. राज्यातील सक्रिय रुग्णांची संख्या 45 इतकी झाली आहे. राज्यात आतापर्यंत 2 लाख 45 हजार 429 नागरिकांना कोरोनाची बाधा झाली असून यापैकी 2 लाख 41 हजार 552 रुग्ण बरे झाले. हे रुग्ण बरे होण्याचे प्रमाण त्यांना 98.42 टक्के इतके आहे. सध्या राज्यात 45 रुग्ण सक्रिय असून गेल्या 24 तासांत कोरोनामुळे मृत्यू झाला नसल्याने एकूण मृत्यूचा आकडा 3 हजार 832 कायम आहे. शनिवारी 635 संशयित रुग्णांच्या चाचण्या घेतल्या. त्यापैकी 8 जणांना कोरोनाची लागण झाल्याचे स्पष्ट झाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.