Goa Corona Update: गोव्यातील कोरोना संसर्ग आता नावापुरता शिल्लक राहिला आहे. राज्यात केवळ हाताच्या बोटावर मोजण्याएवढे सक्रिय कोरोना रूग्ण उपचार घेत आहेत.
गोवा आरोग्य विभागाने प्रसिद्ध केलेल्या आकडेवारीनुसार आज (शुक्रवारी) दिवसभरात राज्यात केवळ एकच नवीन कोरोनाबाधित रूग्णाची वाढ झाली असून, गेल्या 24 तासांत 10 कोरोनामुक्तांना डिस्चार्ज देण्यात आला आहे.
आरोग्य विभागाने शुक्रवारी सायंकाळी प्रसिद्ध केलेल्या कोरोना अहवालानुसार, आज दिवसभरात 339 नमुने तपासण्यात आले, त्यापैकी एका रूग्णाचा अहवाल सकारात्मक आला आहे. तर, दिवसभरात दहा कोरोनामुक्तांना डिस्चार्ज देण्यात आला आहे.
राज्यात सध्याच्या घडीला केवळ 11 सक्रिय कोरोना रूग्णांवर उपचार सुरू आहेत. पावसाळा सुरू होण्यापूर्वी राज्यातील जनतेसाठी ही दिलासादायक बाब आहे.
दरम्यान, गोव्यात आजवर दोन लाख 63 हजार 287 जणांना कोरोनाची बाधा झाली. त्यापैकी दोन लाख 59 हजार 262 जण कोरोनामुक्त झाले. राज्यात आजवर 4,014 जणांचा कोरोनाने बळी घेतला आहे. गोव्याचा रिकव्हरी रेट 98.47 टक्के एवढा आहे.
पावासाळ्यात अनेक आजार डोकं वर काढत असतात. अशात राज्यातील कमी झालेली सक्रिय रूग्णांची संख्या दिलासा देणारी आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.