Goa: सर्वण बस थांब्यावर अखेर बसविला 'व्ह्यू मिरर'

डिचोली : डिचोली-साखळी (Bicholim-Sakhaḷi) मुख्य रस्त्यावरील (Road) सर्वण बस (Sarvaṇa Bus Stop) थांब्यावरील धोकादायक जंक्शनवर अखेर सुरक्षेची उपाययोजना करण्यात आल्याने वाहनचालकांत समाधान व्यक्त होत आहे. सर्वण गावातील अंतर्गत रस्ता जोडलेल्या डिचोली-साखळी मुख्य रस्त्यावरील हे जंक्शन वाहतुकीस सुरक्षित नव्हते. बऱ्याचदा या जंक्शनवर वाहनचालकांचा गोंधळ उडत असे. यापूर्वी किरकोळ अपघातही घडलेले आहेत. ही समस्या लक्षात घेवून कारापूर-सर्वणचे सरपंच गोकुळदास सावंत यांनी या जंक्शनवर 'कॉन्व्हेक्स व्हीव्ह मिरर' ('Convex View Mirror') (बहिर्गोल दृष्य आरसा) बसविलेला आहे. तसेच सर्वण रस्त्यावर दिशादर्शक फलकांचीही व्यवस्था केली आहे.

सरपंच सावंत यांच्याच हस्ते कॉन्व्हेक्स व्हीव्ह मिरर आणि फलक उभारण्यात आले आहेत. यावेळी सरपंच सावंत यांच्यासह मये भाजप युवा मोर्चाचे अध्यक्ष सीताराम सावंत, नकुळ धावस्कर, संतोष सावंत, तुळशीदास सावंत, गौरीश सावंत आणि विष्णू मांद्रेकर उपस्थित होते.