Yuri Alemao: काँग्रेस नेते युरी आलेमाव कोरोना पॉझिटिव्ह

काँग्रेस नेते युरी आलेमाव यांची कोरोना चाचणी पॉझिटिव्ह आली आहे. याबाबत स्वत: त्यांनी सोशल मीडियावर माहिती दिली असून आपली प्रकृती स्थिर आहे. काळजी करण्याचे कोणते ही कारण नाही असे ही त्यांनी सांगितले आहे.

(Goa Congress leader Yuri Alemao Corona positive)

कोरोना चाचणी बाबत माहिती देताना आलेमाव यांनी स्पष्ट केले आहे की, गेल्या काही दिवसांपासून आपल्या संपर्कात आलेले सर्व कार्यकर्ते आणि सामाजिक क्षेत्रातील मान्यवरांनी ही आपली कोरोना चाचणी करावी, असे ही आलेमाव यांनी सुचित केले आहे. आलेमाव सध्या होम क्वारंटाईन आहेत. तसेच तज्ज्ञांच्या सल्ल्याने उपचार ही सुरु आहेत असं ही त्यांनी म्हटले आहे.

आलेमाव यांनी कोरोना अहवाल सकारात्मक आला याबाबत माहिती देताना म्हटले आहे की, अनेक कारणांनी आपल्याला जनसंपर्क साधावा लागत असतो. राज्यातील वेगवेगळे कार्यक्रम पक्षाची ध्येय धोरणे नागरिकांच्या समस्या, प्रशासकिय कार्यालये यांना येणे जाणे असते. अशा सार्वजनिक ठिकाणी ये - जा करावी लागत असल्याने अशावेळी कोरोना लागण होण्याची शक्यता असते आणि आपली ही यामूळेच कोरोना चाचणी सकारात्मक आलेली असू शकते असे त्यांनी म्हटले आहे.