Girish Chodankar : काँग्रेस नेते गिरीष चोडणकरांची सभापतींवर टिका; संजय राउतांची घेतली भेट

Girish Chodankar Meet Sanjay Raut : गोव्यातील काँग्रेस नेते गिरीष चोडणकर यांनी शिवसेनेचे खासदार संजय राउत यांची मुंबई येथे सामनाच्या कार्यालयात भेट घेतली. याबाबतची माहिती चोडणकर यांनी ट्विट करीत दिली. यावेळी दोघांमध्ये गोवा व महाराष्ट्र राज्यातील पक्षांतर केलेल्या आमदारांंबाबत सभापतींच्या भूमिकेवरुन चर्चा झाली.

आज काँग्रेस नेते गिरीष चोडणकर यांनी शिवसेनेचे खासदार संजय राउत यांची मुंबई येथे सामनाच्या कार्यालयात भेट घेतली. याभेटी दरम्यानचे फोटो चोडणकर यांनी शेअर केले आहेत. चोडणकरांनी ट्विट मध्ये म्हटले की, गोवा आणि महाराष्ट्र आपापल्या राज्यात पक्षांतर करणाऱ्या गद्दारांविरोधात लढत आहे. तसेच प्रदीर्घ प्रलंबित आमदार अपात्रता याचिका जलद गतीने निकाली काढण्यासाठी सभापतींना न्यायालयांकडून निर्देश मिळत आहेत.

संजय राऊत यांच्याशी सामना कार्यालयात आमदार अपात्रता याचिकेसंबंधी न्यायालयाच्या आदेशांबाबत चर्चा झाली. वेळेवर न्याय मिळण्यासाठी न्यायव्यवस्थेवर विश्वास ठेवा असे त्यांनी ट्विट मध्ये म्हटले आहे.